नेपाली / English

विवेकशील साझा पार्टीका पूर्वअध्यक्ष उज्ज्वल थापाको निधन

काठमाडौं । मेडिसिटी अस्पतालमा उपचार भईरहेका विवेकशील साझा पार्टीका पूर्वअध्यक्ष उज्ज्वल थापाको निधन भएको छ । अस्पतालले औपचारिक रुपमा विज्ञप्ति जारिगदै पुष्टि गरेको छ । मेडिसिटी अस्पतालले जारी गरेको विज्ञप्तिमा उनको मंगलवार ४ बजेर २५ मिनेटमा निधन भएको उल्लेख गरिएको छ ।

कोरोनाका कारण स्वास्थ्यमा समस्या आएपछि उनको जेठ १४ देखि अस्पतालको भेन्टिलेटर तथा इक्मो अत्याधुनिक उपकरणबाट उपचार हुँदै आएको थियो । उनको जेठ १७ गते कोरोना रिपोर्ट नेगेटिभ आएपनि शरीरका अंगहरूले प्रभावकारी रुपमा काम गर्न नसकेको र जटिल संक्रमणको प्रभाव रहेकाले स्वास्थ्य अवस्थामा सुधार आउन नसकेको अस्पतालका प्रवक्ता तथा मेडिकल सुपरिटेन्डेन्ट डा राज राणा र मुटु शल्य चिकित्सक डा विजय राजवंशीले जारी गरेको विज्ञप्तिमा उल्लेख छ ।